Greiningar- og ráðgjafarstöð hefur opnað á ný eftir sumarfrí, í dag þriðjudaginn 3. ágúst. Í ljósi stöðunnar vegna aukinna Covid-19 smita í samfélaginu er athygli er vakin á því að gestum ber skylda að til að mæta með grímu, virða sóttvarnir og eins metra reglu.

Greiningar- og ráðgjafarstöð er lokuð frá 5.júlí vegna sumarleyfa starfsfólks. Stöðin opnar aftur kl. 10.00 þann 3. ágúst næstkomandi, sem er þriðjudaginn eftir verslunarmannahelgi.

Nýlega kom út skýrsla á vegum starfshóps Karin Dom í Búlgaríu um um samstarfsverkefni Karin Dom stofnunarinnar og Greiningar- og ráðgjafarstöðvar en verkefnið hófst með formlegum hætti í janúar 2020. Karin Dom er sjálfseignarstofnun í borginni Varna sem þjónar fötluðum börnum og aðstandendum þeirra með sérstaka áherslu á menntun án aðgreiningar.

Tveir sérfræðingar um einhverfu sem starfa á Greiningar- og ráðgjafarstöð, þau Sigríður Lóa Jónsdóttir og Evald Sæmundsen, birtu nýlega grein í Journal of Autism and Developmental Disorders sem byggir á skimunarrannsókn þeirra. Rannsóknin er hluti af doktorsverkefni Sigríðar Lóu sem ber heitir Að bera kennsl á einhverfu snemma en greinin ber heitið; Validation of the Modified Checklist for Autism in Toddlers, Revised with Follow‑up in a Population Sample of 30‑Month‑Old Children in Iceland: A Prospective Approach.

Nýtt námskeið á vegum Greiningar- og ráðgjafarstöðvar; Systkinasmiðjan, verður haldið um næstu helgi. Ljóst er að mikil þörf er á námskeiði af þessu tagi því það fylltist nánast samdægurs og því hefur verið bætt við nýju námskeiði 21. - 22. ágúst nk.

Greiningar- og ráðgjafarstöð ríkisins auglýsir laust til umsóknar starf talmeinafræðings á Eldri barna sviði. Á sviðinu er veitt þjónusta við börn á grunn- og framhaldsskólaaldri og fjölskyldur þeirra.

Starfsfólk Greiningar- og ráðgjafarstöð fagnaði því í gær í að Alþingi samþykkti nýlega endurskoðuð lög um stofnunina sem taka gildi 1. janúar 2022. Við þau tímamót breytist nafni hennar í Ráðgjafar- og greiningarstöð og þar með meira lagt upp úr ráðgjafarhlutverki stofnunarinnar en einnig er skerpt á tilgangi hennar.

Nýtt námskeið á vegum Greiningar- og ráðgjafarstöðvar, Systkinasmiðjan verður haldið helgina 26. og 27. júní nk. Systkinasmiðjan á Greiningar og ráðgjafarstöð er fyrir krakka á aldrinum 8 - 14 ára sem eiga það sameiginlegt að eiga systkini með fötlun.

Greiningar- og ráðgjafarstöð ríkisins auglýsir laust til umsóknar starf ráðgjafa á Eldri barna sviði. Á sviðinu er veitt þjónusta við börn á grunn- og framhaldsskólaaldri og fjölskyldur þeirra.

Hulda Björk Svansdóttir er móðir Ægis Þórs sem er níu ára drengur með Duchenne vöðvarýrnum. Hulda Björk og Ægir Þór hafa verið óþreytandi við að vinna að aukinni vitund um sjúkdóminn og aðra sjaldgæfa sjúkdóma. Þau leita nú að krökkum og aðstandendum þeirra á landbyggðinni sem væru tilbúin að taka þátt í skemmtilegu verkefni í súmar.