kæra samstarfsfólk megið þið njóta birtu og ylar um hátíðarnar - hér er jólakveðja frá okkur á Greiningar- og ráðgjafarstöð.

Árlega ráðstefna Barna- og unglingageðdeildar Landspitala verður haldin þann 13. janúar 2017 á Grand Hótel Reykjavík. Að þessu sinni verða börn, unglingar og samfélagsmiðlar í brennidepli. Dagskráin er fjölbreytt að vanda og aðalfyrirlesari er Gwenn S. O´Keeffe en hún er bandarískur barnalæknir sem hefur sérhæft sig í málum sem varða net- og tölvuleikjanotkun barna og unglinga.

„Mannréttindi kosta peninga“ - segir Bryndís Snæbjörnsdóttir formaður Landssamtakanna Þroskahjálp í þættinum Samfélagið á RUV. Rætt er við Bryndísi um margt sem viðkemur réttindum fatlaðs fólks og hvað má betur fara í þeim efnum.

Námskeiðsdagskrá vorannar 2017 er að taka á sig mynd og verður opnað fyrir skráningu á hinum ýmsu námskeiðum á næstu dögum.

Allt frá 1992 hafa Sameinuðu þjóðirnar fagnað alþjóðadegi fatlaðs fólks þann 3. desember ár hvert. Þemað í ár tengist heimsmarkmiðunum 17 um sjálfbæra þróun en þau tóku gildi í byrjun árs 2016.

Félagsvísindastofnun Háskóla Íslands hefur skilað niðurstöðum rannsóknar sem gerð var fyrir velferðarráðuneytið til að fá innsýn í aðstæður ungs fólks með örorku- eða endurhæfingarlífeyri, kanna reynslu þess af stuðningi sem það hefur fengið og fá ábendingar um hvað betur má fara.

Vorráðstefna Greiningar- og ráðgjafarstöðvar verður haldin dagana 11. - 12. maí 2017 á Hilton Reykjavík Nordica. Heiti ráðstefnunnar að þessu sinni er: Fötluð börn og ungmenni, heildræn þjónusta - árangur og áskoranir.

Nýtt smáforrit fyrir spjaldtölvur er komið út og var það kynnt á degi íslenskrar tungu þann 16. nóvember. Forritið nefnist Orðagull og er hannað fyrir elstu börn í leikskóla og yngstu börn í grunnskóla.

Þann 2. desember halda Landssamtökin Þroskahjálp ráðstefnu á Grand Hótel Reykjavík. Tilefnið er 40 ára afmæli samtakannna og alþjóðadagur fatlaðs fólks sem er 3. desember. Ráðstefnan stendur frá kl. 12:30 - 16:00.

Embætti landlæknis hefur gefið út endurskoðaðar leiðbeiningar um ung- og smábarnavernd og birt á vefsetri embættisins. Leiðbeiningarnar tóku gildi 9. nóvember síðastliðinn, eru ætlaðar fagfólki sem starfar á þessu sviði á landsvísu og eru gefnar út í samstarfi við Þróunarsvið heilsugæslunnar.