Greiningar- og ráðgjafarstöð (GRR) annast framkvæmd Mats á stuðningsþörf fyrir fötluð börn og fullorðna á landsvísu.
Markmið með Mati á stuðningsþörf er að nýta niðurstöður til úthlutunar fjármagns frá Jöfnunarsjóði sveitarfélaga og til að gera einstaklingsbundnar áætlanir um stuðning (sbr. lög um þjónustu við fatlað fólk með langvarandi stuðningsþarfir). Mati á stuðningssþörf er ætlað að tryggja markvissa og réttláta skiptingu þess fjármagns sem veitt er af hálfu ríkisins til þjónustu við fatlaða.
Matskerfin eru gefin út af American Association on Intellectual and Development Disabilities (AAIDD) og sáu sérfræðingar GRR um stöðlun þeirra og hafa jafnframt einkarétt á notkun þeirra. Matið er framkvæmt af óháðum, sérstaklega þjálfuðum matsmönnum með víðtæka reynslu af starfi með fötluðum börnum og fullorðnum. Matið er framkvæmt í nærumhverfi þátttakenda.
Mat á stuðningsþörf barna (SIS-C)
Notað er matskerfið Supports Intensity Scale Children‘s Version, (SIS-C) fyrir börn. Matið nær til barna á aldrinum 5–18 ára og metur stuðningsþarfir fatlaðs barns óháð fötlunargreiningu, í samanburði við önnur börn, bæði fötluð og ófötluð.
Hér neðar má sjá ítarlegri upplýsingar um mat á stuðningsþörf fyrir börn:
Mat á stuðningsþörf barna. Verklag.
Nánari upplýsingar um framkvæmd mats á stuðningsþörf barna (SIS-C)
Staðfesting foreldra fyrir mat á stuðningsþörf barna
Að lesa úr niðurstöðum mats á stuðningsþörf barna
Mat á stuðningsþörf fullorðinna (SIS-A)
Notað er matskerfið Supports Intensity Scale Adult version (SIS-A) fyrir fullorðna. Matið sem nær til fullorðinna fatlaðra 18 ára og eldri, metur með samræmdum og hlutlægum hætti stig þess hagnýta stuðnings sem einstaklingar með fötlun þarfnast til að lifa sem eðlilegustu lífi með fullri þátttöku í samfélaginu.
Hér neðar má sjá ítarlegri upplýsingar um mat á stuðningsþörf fyrir fullorðna:
Skilgreining á markhópum vegna mats á stuðningsþörf fullorðinna.
Mat á stuðningsþörf fullorðinna. Verklag.
Nánari upplýsingar um framkvæmd mats á stuðningsþörf fullorðinna (SIS-A).Hér má nálgast samþykkisyfirlýsingu vegna mats á stuðningsþörf.
Að lesa úr niðurstöðum mats á stuðningsþörf fullorðinna.
Sótt er um mat á stuðningsþörf hjá tengiliði sveitarfélags. Tengiliðir eru starfsmenn skólaþjónustu (börn) og starfsmenn þjónustu við fatlaða (fullorðnir) sveitarfélaga. Nánari upplýsingar um tengiliði fást hjá viðkomandi sveitarfélagi eða með því að senda tölvupóst á netfangið sis (hjá) greining.is
Starfsmenn sviðsins:
Guðný Stefánsdóttir
Þóranna Halldórsdóttir
Aðrir matsmenn (verktakar á vegum GRR):
Chien Tai Shill þroskaþjálfi, og félagsráðgjafi
Hildur Eggertsdóttir, þroskaþjálfi
Steinunn Rósa Guðmundsdóttir, þroskaþjálfi
