Forstöðumaður er yfirmaður stofnunarinnar og ber sem slíkur ábyrgð á faglegum og fjárhagslegum rekstri hennar. Hann er skipaður af velferðarráðherra til fimm ára í senn og starfar samkvæmt erindisbréfi.
Forstöðumaður er Soffía Lárusdóttir.
Staðgengill forstöðumanns er Solveig Sigurðardóttir.
Fjármálastjóri er Heimir Bjarnason.
Forstöðumaður, staðgengill forstöðumanns, fjármálastjóri og sviðsstjórar mynda yfirstjórn faglegrar og fjárhagslegrar starfsemi Greiningar- og ráðgjafarstöðvar.
Tilvísanir, læknaritun og móttaka
Meginverksviðið er úrvinnsla á tilvísunum sem berast stofnuninni, gæðastarf og skráning auk læknaritunar og skjalavörslu. Einnig fellur hér undir móttaka þeirra sem koma á Greiningar- og ráðgjafarstöð og símavarsla. Inntökustjóri stýrir þessum verkefnum. Starfsfólk Tilvísana, læknaritunar og móttöku.
Yngri barna svið
Á yngri barna sviði er veitt þjónusta við ung börn og þau börn sem eru á leikskólaldri og fjölskyldur þeirra. Starfsfólk Yngri barna sviðs.
Eldri barna svið
Á eldri barna sviði er veitt þjónusta við börn á grunn- og framhaldsskólaaldri og fjölskyldur þeirra. Starfsfólk Eldri barna sviðs.
Langtímaeftirfylgd
Á langtímaeftirfylgd er veitt þjónusta við börn og unglinga að 18 ára aldri, sem þurfa sérhæfða eftirfylgd og ráðgjöf og fjölskyldur þeirra. Starfsfólk Langtímaeftirfylgdar
Mat á stuðningsþörf
Mat á stuðningsþörf er verkefni sem er unnið fyrir Jöfnunarsjóð sveitarfélaga og felur í sér mat á stuðningsþörf fatlaðra barna og fullorðinna hér á landi. Starfsfólk verkefnisins.
Fræðslu- og kynningarstarf
Markmið er að sinna verkefnum sem lúta að innra og ytra fræðslu- og kynningarstarfi Greiningar- og ráðgjafarstöðvar þar með talið námskeiðum og árlegri vorráðstefnu. Fræðslustjóri er tengiliður varðandi kynningu á starfsemi stofnunarinnar og hefur yfirumsjón með heimasíðu. Starfsfólk Fræðslu- og kynningarstarfs.
Rannsóknir og samstarf við háskóla
Verkefnin eru að framfylgja stefnu Greiningar- og ráðgjafarstöðvar um þróun rannsóknarstarfs. Rannsóknarstjóri hefur yfirsýn yfir rannsóknir sem stofnunin eða einstakir starfsmenn tengjast, hefur frumkvæði að rannsóknum og veitir ráðgjöf um málefni sem að þeim lúta. Starfsfólk í Rannsóknum og samstarfi við háskóla.
