Athugið að listinn er ekki tæmandi. Ráðgjafar- og greiningarstöð ber ekki ábyrgð á þeim námskeiðum sem hér eru auglýst.

Starfsfólk Greiningar- og ráðgjafarstöðvar óskar vinum og velunnurum gleðilegra jóla og farsældar á komandi ári. Þökkum góð samskipti og samvinnu á liðnu ári.

Fyrstu námskeið Greiningar- og ráðgjafarstöðvar á vorönn eru komin á dagskrá og sýnileg á vef stöðvarinnar. Þetta eru námskeiðin: Skimun og frumgreining einhverfurófsraskana, með áherslu á notkun CARS-2-ST, Kynheilbrigði: Hagnýtar kennsluaðferðir sem nýtast börnum og unglingum með þroskafrávik, Atferlisíhlutun fyrir börn með þroskafrávik og Skipulögð kennsla og verða þau öll haldin janúar og febrúar. Fleiri námskeið verða sett inn síðar fyrir vorönn 2020.

Vegna veðurspár um aftakaveður verður Greiningar- og ráðgjafarstöð lokað kl. 14.00 í dag, þriðjudaginn 10. desember 2019.

Samstarfsverkefni Greiningar- og ráðgjafarstöðvar og Karin Dom í Búlgaríu hefst með formlegum í hætti í janúar 2020. Karin Dom er sjálfseignarstofun í borginni Verna sem þjónar fötluðum börum og aðstandendum þeirra með sérstaka áherslu á menntun án aðgreiningar.

Námskeið um myndrænt boðskiptakerfið verður haldið í janúar 2020 á vegum Sigrúnar Kristjánsdóttur þroskaþjálfa. Námskeiðið er ætlað þeim sem hafa þekkingu á fyrstu þremur stigunum í PECS. Aðaláherslan á þessu námskeiði verður á mikilvæga þætti í PECS þjálfun.

Sálfræðingurinn Sigríður Lóa Jónsdóttir, sem einnig er starfsmaður Greiningar og ráðgjafarstöðvar, var nýlega í spjalli í útvarpsþættinum Samfélagið í nærmýnd á Rás 1 um um niðurstöður viðamikillar Evrópurannsóknar um einhverfu í ungum börnum. Í viðtalinu segir Sigríður nánar frá rannsókninni og aðstæðum einhverfra barna í einkar áhugaverðu spjalli.

Ásmundur Einar Daðason, félags- og barnamálaráðherra, og Bergsteinn Jónsson, framkvæmdastjóri UNICEF á Íslandi, undirrituðu nýlega tímamótasamstarfssamning fyrir réttindi barna á Íslandi. Samningurinn er undirritaður í tilefni af 30 ára afmæli Barnasáttmála Sameinuðu þjóðanna þann 20. nóvember næstkomandi.

Heilbrigðisþing 2019 verður haldið undir yfirskriftinni Siðferðileg gildi og forgangsröðun þann 15. nóvember næstkomandi frá kl. 09:00 til 15:45. Markmiðið með þinginu er að skapa vettvang fyrir kynningu og umræður um helstu gildi og siðferðilegar áherslur sem leggja beri til grundvallar við forgangsröðun í heilbrigðiskerfinu.

Tveir starfsmenn Greiningar- og ráðgjafarstöðvar (GRR), sálfræðingarnir Sigríður Lóa Jónsdóttir og Evald Sæmundsen, eru með meðhöfundar að nýrri grein sem birtist nýlega í Journal of Autism and Developmental Disorders sem nefnist: Early Detection, Diagnosis and Intervention Services for Young Children with Autism Spectrum Disorder in the European Union (ASDEU): Family and Professional Perspectives.