Nýverið fékk Greiningar- og ráðgjafarstöð ríkisins veglega gjöf frá Barnaspítalasjóði Hringsins. Í niðurskurði síðustu ára hafa leikfanga- og tækjakaup verið langt frá því að fylgja þörfum og brýnt að endurnýja þjálfunartæki og útvega ný sérhæfð þroska- og rofaleikföng fyrir skjólstæðinga stofnunarinnar.

Dagana 5. - 7. september næst komandi verður haldin Norræn ráðstefna um velferð barna í Hörpu tónlistar- og ráðstefnuhúsi. Fyrirlesarar koma frá Íslandi, Noregi, Svíþjóð, Danmörku, Færeyjum og Englandi.

Þann 27. ágúst næst komandi verður haldið málþing um akstursþjónustu fyrir fatlað fólk. Um er að ræða samvinnuverkefni Sambands íslenskra sveitarfélaga, ÖBÍ og velferðarráðuneytisins.

Hjá Landssamtökunum Þroskahjálp var á dögunum haldinn fjölmennur fundur með foreldrum ungmenna sem hafa útskrifast af starfsbrautum framhaldsskólanna. Það er ljóst að þjónusta við þennan hóp er alls ekki í viðunandi horfi, brýnt er að greina vandann og koma með tillögur að lausnum

PEERS® - Félagsfærniþjálfun er námskeið sem er ætlað 13-17 ára unglingum sem eru með ADHD, einkenni einhverfu, kvíða, þunglyndi og aðra erfiðleika í félagslegum samskiptum og foreldrum þeirra. Markmiðið er að auka sjálfstæði unglinganna í félagslegum aðstæðum, hjálpa þeim að eignast vini og þróa vinasamband.

Við viljum ráða tvo sérfræðinga til að starfa við snemmtæka íhlutun.

Námskeiðsdagskrá haustannar er orðin nokkuð þétt og nú hefur verið opnað fyrir skráningu á námskeiðið Ungmenni með einhverfu og önnur þroskafrávik.

Mánudaginn 13. ágúst verður haldinn kynningarfundur um aðgengi fyrir fatlaða á Menningarnótt í Reykjavík, laugardaginn 18. ágúst n.k.

Opnað hefur verið fyrir skráningu á námskeiðinu Bayley smábarnapróf en það verður haldið 4. september n.k.