Helstu áherslur í einstaklingsnámskrá nemenda með röskun á einhverfurófi
Félagsfærni / vandi í félagslegum samskiptum
• nýta viðurkenndar aðferðir til að kenna félagsfærni
• auka skilning á félagslegum teiknum og tilfinningum
• kenna viðeigandi félagslega hegðun og frumkvæði
• kenna félagslegar hefðir, reglur og venjur
• kenna og útskýra hvernig leysa á vanda í félagslegum samskiptum
Sjálfstjórn og tilfinningaviðbrögð
• auka vitund um líðan og tilfinningar
• kenna viðeigandi leiðir til að höndla kvíða og erfiðar aðstæður
• aðlaga viðfangsefni og aðstæður til að draga úr streitu.
Boðskipti og málleg færni
• nýta óhefðbundnar tjáskiptaleiðir eins og við á
• auka notkun flókinna talaðra/skrifaðra tjáskipta smám saman
• auka tjáningu og færni til að vera sinn eigin talsmaður (e. self-advocacy)
• auka skilning á félagslegu „máli“ (óyrtar vísbendingar, raddblær og hljómfall, raddhæð)
• auka færni í samræðum og hagnýtri notkun máls (hefja, viðhalda og hætta samræðum, bregðast við vísbendingum, myndmál og tákn)
Skipulagsfærni
• nýta sjónrænar vísbendingar og skriflegar uppskriftir, verklýsingar, minnislista og litakóða • þjálfa sjálfstæð vinnubrögð
• auka færni við að halda utan um efni, áhöld og námsgögn (einnig að leiðrétta sjálfan sig)
• kenna hvenær og hvernig á að biðja um aðstoð
• kenna hagnýta notkun tölvu og tæknibúnaðar, þ.m.t. fingrasetningu á lyklaborð, skjalastjórnun
• kenna notkun stuðningstækja í daglegu lífi til að bæta færni við að skipuleggja athafnir og samskipti
Hegðun og vandi í skynúrvinnslu
• gera ráðstafanir og mæta þörfum vegna hegðunar, líðanar og vanda í skynjun
• auka sveigjanleika og færni til að takast á við umbreytingar
Hér má sjá lista yfir helstu áherslur í einstaklingsnámskrá sem varða félagsfærni og aðlögun.
