Nýjar leiðbeiningar um ung- og smábarnavernd

Embætti landlæknis hefur gefið út endurskoðaðar leiðbeiningar um ung- og smábarnavernd og birt á vefsetri embættisins. Leiðbeiningarnar tóku gildi 9. nóvember síðastliðinn, eru ætlaðar fagfólki sem starfar á þessu sviði á landsvísu og gefnar út í samstarfi við Þróunarsvið heilsugæslunnar.

í fréttinni á vef embættis landlæknis kemur fram að helsta nýjung leiðbeininganna er að þær eru nú gefnar út á vefnum sem tólf skoðanir ung- og smábarna sem fara fram frá því á fyrstu dögum eftir fæðingu til fjögurra ára aldurs barnsins. Hver skoðun er kynnt á  sérstakri vefsíðu þar sem hægt er að nálgast einstaka verkþætti með rafrænum hætti auk hlekkja á nauðsynleg stuðningsgögn.

Á vefsetrinu má finna nýtt fræðsluefni um einhverfu og raskanir á einhverfurófi þar sem höfundar eru starfsmenn á Greiningar- og ráðgjafarstöð en það eru þau Evald Sæmundsen sálfræðingur, Ingólfur Einarsson barnalæknir og Sigríður Lóa Jónsdóttir sálfræðingur. 

Krækja á fréttina á vef embættis landlæknis er hér.

Krækja á leiðbeiningar um ung- og smábarnavernd er hér.