Skólafólk, ráð og leiðir (0323)

Hvar og hvenær: Gerðubergi (Hólar)  20. mars 2023

Hverjum er námskeiðið ætlað?
Starfsfólki grunn- og framhaldsskóla sem eru með nemendur með frávik í taugaþroska og vilja auka við þekkingu sína.

Hámarksfjöldi: 30 þátttakendur

Námskeiðslýsing:
Nemendur með frávik í taugaþroska eru allskonar og þurfa aukinn skilning og þekkingu frá umhverfi sínu. Mikið af hagnýtum ráðum, leiðum og verkfærum eru til og verða kynntar á þessu námskeiði. Fyrst verður farið í fyrirbyggjandi aðferðir, hvernig við gerum æskilega hegðun sýnilegri í skólanum og einblínt á jákvæðar aðferðir. Mælt er með að horfa á styrkleika og áhugamál nemenda en auk þess mikilvægt að skoða hvernig við tökumst á við erfiða hegðun í skólaumhverfinu.

Æskilegt er að þátttakendur sem nota í sínu starfi vinnukerfi með nemendum ( t.d. umbunarkerfi,  námskerfi, sjónrænt skipulag, félagsfærnisögur) hafi þau meðferðis.

Námskeiðið er í formi fyrirlestra, umræðna og hópavinnu.  

Markmið námskeiðs:

-  Að þátttakendur þekki og kynnist hagnýtum aðferðum til að auka færni og æskilega hegðun í skólanum.
-  Að þátttakendur fái aukið sjálfstraust til að takast á við áskoranir sem tengjast flóknum nemendum.

Umsjón:
Auður Sif Arnardóttir, þroskaþjálfi
Særún Sigurjónsdóttir, þroskaþjálfi

Námskeiðsgjöld og greiðsluskilmálar
Skráning í námskeið er skuldbindandi og jafngildir samningi um greiðslu á námskeiðsgjaldi. Skráningu á námskeiðið Skólafólk, ráð og leiðir lýkur 1. mars 2023. Greiðsluseðlar verða þá sendir í innheimtu og þurfa þátttakendur að vera búnir að greiða fyrir eindaga sem er u.þ.b. viku fyrir námskeið.

Forföll/afskráningu þarf að tilkynna skriflega a.m.k. hálfum mánuði fyrir námskeiðsdag eða áður en skráningu lýkur með því að senda tölvupóst á fraedsla@greining.is.

Ráðgjafar- og greiningarstöð áskilur sér rétt til þess að innheimta skráningar- og umsýslugjald ef tilkynning berst eftir að skráningu á námskeið er lokið.