Opið fyrir skráningu á vorráðstefnu 2019!

Skráning er hafin á vorráðstefnu Greiningar- og ráðgjafarstöðvar sem haldin verður 9. og 10. maí á Hilton Reykjavík Nordica.

Yfirskriftin í ár er: Framtíðin er núna! Snemmtæk íhlutun barna með þroskafrávik.

Snemmtæk íhlutun er lykilatriði í þjónustu við ung börn með raskanir í taugaþroska. Hún byggir á því að hægt er að móta taugakerfi barna fyrstu árin og með markvissum vinnubrögðum má hafa jákvæð áhrif á þroska, hegðun og færni barnanna. Greiningar- og ráðgjafarstöð ríkisins hefur frá upphafi lagt áherslu á að kenna snemmtækar íhlutunarleiðir fyrir börn með þroskafrávik og síðastliðið haust var hugtakið fest í sessi í lögum um þjónustu við fatlað fólk með langvarandi stuðningsþarfir. Það er því vel við hæfi að helga vorráðstefnuna í ár þessum vinnubrögðum og ýmsu sem þeim tengjast.

Skráning og nánari upplýsingar um dagskrá.