Málefni barna með alvarlegar geð- og þroskaraskanir

Umræðu- og upplýsingafundur um málefni barna
Umræðu- og upplýsingafundur um málefni barna

Umræðu- og upplýsingafundur verður haldinn á vegum Sambands íslenskra sveitarfélaga á Grand hótel Reykjavík föstudaginn 9. febrúar kl. 13:00-16:10. Fjallað verður um málefni barna með alvarlegar geð- og þroskaraskanir. 

Tilgangur fundarins er að kalla saman þá aðila sem koma að málefnum þessa hóps barna. Meðal annars verður sagt frá áformuðum lagabreytingum innan málaflokksins, rýnt í skilgreiningar og birtingarmyndir hjá börnum með fjölþættan vanda, kostnaðarmat og fjármögnun auk þróunar úrræða. Sjónarhorn þeirra sem starfa hjá sveitarfélögum og innan heilbrigðiskerfisins verða einnig rædd. 

Fundurinn er ætlaður kjörnum fulltrúum og nefndarfólki, æðstu stjórnendum og sérfræðingum hjá ríki og sveitarfélögum í félagsþjónustu, barnavernd og menntun og fræðslu barna og unglinga með alvarlegar geð- og þroskaraskanir.

Allar nánari upplýsingar og skráning hér

Skráningarfrestur rennur út fimmtudaginn 8. febrúar kl. 16:00.

*Fréttin birtist upphaflega á vefsíðu Sambands íslenskra sveitarfélaga