Alþjóðlegur vitundarmánuður fólks með ADHD

Október er alþjóðlegur vitundarmánuður fólks með ADHD. Í tilefni af mánuðnum munu ADHD samtökin standa fyrir fjölbreyttum viðburðum og vekja athygli á málefnum fólks með ADHD, en gera má ráð fyrir að hátt í 20.000 Íslendingar séu með ADHD - greint eða ógreint, börn og fullorðnir.

Til að marka upphaf ADHD vitundarmánaðarins að þessu sinni, afhenti formaður ADHD samtakanna, Elín H. Hinriksdóttir, heilbrigðisráðherra, Svandísi Svavarsdóttur, fyrsta endurskinsmerki ADHD samtakanna árið 2019, en venju samhvæmt, er nýtt endurskinsmerki, teiknað af Hugleiki Dagssyni, selt víða í fjáröflunarskini fyrir samtökin, í októbermánuði ár hvert.