Fréttir

Nýlega birtist grein í tímaritinu Autism sem nefnist: Determinants of satisfaction with the detection process of autism in Europe: Results from the ASDEU study. Tveir starfsmenn Ráðgjafar- og greiningarstöðvar, þau Evald Sæmundsen rannsóknarstjóri og Sigríður Lóa Jónsdóttir sálfræðingur, eru meðhöfundar, en greinin er einn afrakstur áralangs Evrópusamstarfs, Autism Spectrum Disorders in the European Union (ASDEU).

Haustdagskrá ADHD samtakanna liggur nú fyrir og sem fyrr eru fjölbreytt fræðsla í boði fyrir aðstandendur barna með ADHD. Svo sem námskeið fyrir 9-12 ára stráka annarsvegar og stelpur hinsvegar, auk tveggja fjarnámskeiða fyrir starfsfólk skóla, frístundaheimila og íþróttafélaga sem vinna með börnum með ADHD

Ráðgjafar- og greiningarstöð hefur undanfarið eitt og hálft ár tekið þátt í Erasmusverkefni í samstarfi við þrjár aðrar Evrópuþjóðir; Rúmeníu, Grikkland og Belgíu um gerð kynfræðsluefnis fyrir ungmenni með frávik í taugaþroska. Vinnan við gerð þessa efnis er á lokametrunum. Kennarar í sérdeild Fellaskóla og Klettaskóla munu forprófa kennsluefnið í september og október. Eftir að forprófun lýkur verður hægt að tengjast vefslóð kennsluefnisins í gegnum vefslóð Ráðgjafar- og greiningarstöðvar. Námsefnið verður verður endurgjaldslaust.

Ráðgjafar- og greiningarstöð auglýsir laust til umsóknar starf ráðgjafa í snemmtækri íhlutun á Yngri barna sviði. Á sviðinu er veitt þjónusta við ung börn og börn á leikskólaaldri og fjölskyldur þeirra. Leitað er að einstaklingi sem hefur brennandi áhuga á að starfa að fjölbreyttum verkefnum tengdum fjölskyldum fatlaðra barna með þverfaglegu teymi starfsfólks stofnunarinnar.

Ráðgjafar- og greiningarstöð auglýsir laust til umsóknar starfs sálfræðings á Yngri barna sviði. Á sviðinu er veitt þjónusta við ung börn og börn á leikskólaaldri og fjölskyldur þeirra. Leitað er að einstaklingi sem hefur brennandi áhuga á að starfa að fjölbreyttum verkefnum tengdum fjölskyldum fatlaðra barna með þverfaglegu teymi starfsfólks stofnunarinnar.

Ráðgjafar- og greiningarstöð auglýsir laust til umsóknar starf sálfræðings á Eldri barna sviði. Á sviðinu er veitt þjónusta við börn á grunn- og framhaldsskólaaldri og fjölskyldur þeirra. Helstu verkefni og ábyrgð eru greining, ráðgjöf og eftirfylgd til fjölskyldna og fagfólks vegna barna með alvarlegar raskanir í taugaþroska, vinna í þverfaglegum teymum innan og utan stofnunar, m.a. varðandi greiningu, ráðgjöf og eftirfylgd, þátttaka í fræðslustarfi innan og utan stofnunar sem og þátttaka í rannsóknarstarfi.

Ráðgjafar- og greiningarstöð vekur athygli á að nú er hægt að senda tilvísanir og fylgigögn til stofnunarinnar rafrænt í gegnum gátt. Þessi leið er bæði örugg og fljótleg. Tilvísendur fylla út eyðublaðið og vista það hjá í möppu ásamt þeim gögnum sem eiga að fylgja tilvísuninni. Mappan skal svo send eftir leiðbeiningum á tilvísunarblaðinu.

Það eru laus sæti á námskeiðið Einhverfuófið - grunnnámskeið sem haldið verður 2. júní nk. Námskeiðið er eitt hið vinsælasta sem haldið er af Ráðgjafar- og greiningarstöð og hentar aðstandendum og starfsfólki sem sinna umönnun, þjálfun og kennslu barna með einhverfu, Aspergers heilkenni og aðrar raskanir á einhverfurófi.

Vel heppnaðri Vorráðstefnu Ráðgjafar- og greiningarstöðvar, sem haldin var á Hilton Nordica hótelinu í Reykjavik lauk fyrir síðustu helgi. Um 450 manns voru skráð til leiks, þar af tóku um 100 manns um allt land þátt í streymi. Á ráðstefnunni var fjallað um virkni og velferð barna með fatlanir. Í meðfylgjandi frétt má sjá nokkrar svipmyndir frá ráðstefnunni.

Fyrsta vorráðstefna Ráðgjafar- og greiningarstöðvar, sem byggir á áratuga gamalli hefð Greiningar- og ráðgjafarstöðvar ríkisins, var sett í morgun 12. maí. Metfjöldi þátttakenda hefur skráð sig og eflaust mörg spennt að mæta á ráðstefnu eftir Covid faraldurinn, enda er maður manns gaman. Um það bil 450 hafa skráð sig til leiks en ekki komast allir af bæ og því taka um 100 manns þátt í streymi.