Fréttir

Starfsfólk Greiningar- og ráðgjafarstöðvar ríkisins óskar samstarfsaðilum um land allt gleðilegra jóla og farsæls komandi árs. Við minnum á að um áramótin taka gildi breytingar á lögum stofnunarinnar og mun nafn hennar þá breytast í Ráðgjafar- og greiningarstöð. Lögin hafa í för með sér ýmsar aðrar breytingar, m.a. mun stofnunin, ef þörf krefur, taka þátt í samþættingu þjónustu við barn á meðan það þiggur þar þjónustu.

Námskeiðsdagskrá vorannar Greiningar- og ráðgjafarstöðvar 2022 er nú aðgengileg á vef stöðvarinnar. Alls verða 26 námskeið kennd á tímabilinu frá 10. janúar til 10. júní 2022; allt námskeið sem henta aðstandendum barna með þroskaröskun og fatlanir sem og fagfólki sem vinnur með börnum. Einnig er unnið að undirbúningi vorráðstefnu stöðvarinnar sem haldin verður 12. og 13 maí nk.

ADHD samtökin hafa auglýst dagskrá vorannar 2022 en þar er að finna fjölbreytt námskeið fyrir aðstandendur barna með ADHD svo sem Áfram stelpur, TÍA – tómstundir, íþróttir og ADHD, foreldranámskeiðin, Taktu stjórnina auk námskeiða fyrir fullorðinna.

Unicef kynnti á dögunum teiknimynd fyrir yngri aldurshópa, einkum þriggja til sex ára, um réttindi barna og Barnasáttmála Sameinuðu þjóðanna. Myndin var framleidd af UNICEF á dögunum í tilefni af Alþjóðlegum degi barna og sýnd á RÚV með íslensku tali þann 26. nóvember sl. Hún byggir á rannsóknum Unicef um hvernig best sé að kynna ungum börnum sáttmála Sameinuðu þjóðanna um réttindi barna.

Laust er til umsóknar starf skjalastjóra hjá Greiningar- og ráðgjafarstöð ríkisins. Leitað er að einstaklingi með góða þekkingu og reynslu af skjalastjórnun til að leiða þróun skjalamála stofnunarinnar. Stærsta verkefnið framundan er að fylgja eftir reglum um skjalavistun og sjá um skráningu, frágang og skil á gögnum til Þjóðskjalasafns Íslands.

Alþjóðlegi Spina Bifida (hryggrauf/klofinn hryggur) dagurinn var 25. október sl. og af því tilefni var sýnd fræðslumynd á RÚV um Spina Bifida sem heitir hryggrauf eða klofinn hryggur.

Málþingið Orkuboltar og íþróttir sem er á vegum ADHD samtakanna verður haldið 29. okt. nk. Markmiðið með málþinginu er að varpa ljósi á stöðu einstaklinga með ADHD í íþrótta- og tómstundastarfi

Í dag, föstudaginn 15.október, er alþjóðlegur dagur málþroskaröskunar DLD (Developmental Language Disorder). Málþroskaröskun DLD er taugaþroskaröskun líkt og ADHD og einhverfa og lýsir sér þannig að einstaklingur fylgir ekki aldursbundnum viðmiðum í málþroska t.d. hvað varðar orðaforða, málskilning, félagslega málnoktun og málfræði.

Ertu sjúkraþjálfari með brennandi áhuga á að starfa að fjölbreyttum verkefnum tengdum fjölskyldum fatlaðra barna með þverfaglegu teymi starfsfólks Greiningar- og ráðgjafarstöðvar? Auglýst er laust til umsóknar starf sjúkraþjálfara á Yngri barna sviði. Á sviðinu er veitt þjónusta við ung börn og börn á leikskólaaldri og fjölskyldur þeirra. Viðkomandi mun einnig vinna verkefni á sviði Langtímaeftirfylgdar en þar er veitt þjónusta við börn og unglinga að 18 ára aldri, sem þurfa sérhæfða eftirfylgd og ráðgjöf, og fjölskyldur þeirra.

Ertu talmeninafræðingur með brennandi áhuga á að starfa að fjölbreyttum verkefnum tengdum fjölskyldum fatlaðra barna með þverfaglegu teymi starfsfólks Greiningar- og ráðgjafarstöðvar? Auglýst er laust til umsóknar starf talmeinafræðings á sviði Langtímaeftirfylgdar. Á sviðinu er veitt þjónusta við börn og unglinga að 18 ára aldri, sem þurfa sérhæfða eftirfylgd og ráðgjöf.