Fréttir

Það eru laus sæti á námskeiðið Klókir litlir krakkar á vegum Ráðgjafar- og greiningarstöðvar sem haldið verður í sex skipti frá 3. mars nk. til 14. apríl í Bókasafni Kópavogs frá kl. 13.00 - 15.00. Námskeiðið er fyrir foreldra barna á einhverfurófi. Námskeiðið er ætlað foreldrum barna á einhverfurófi sem eru á aldrinum fjögurra til átta ára og hefur efnið verið aðlagað að einkennum einhverfu.

Ráðgjafar- og greiningarstöð kynnir hér nýtt kennimerki (lógó) stofnunarinnar en merkið var í hannað í kjölfar lagabreytinga um starfsemi hennar, sem endurspeglast m.a. í nýju nafni og breyttum áherslum í starfseminni.

Vegna yfirvofandi óveðurs hefur verið ákveðið að loka starfsemi Ráðgjafar- og greiningarstöðvar til hádegis á morgun 7. febrúar. Ráðgert er að er opna aftur kl. 13.00.

Systkinasmiðja verður haldin á Ráðgjafar- og greiningarstöð helgina 12. og 13. febrúar nk., kl. 12.00 - 15.00 báða dagana og það eru enn laus pláss. Systkinasmiðjan er fyrir krakka á aldrinum 8 - 14 ára sem eiga það sameiginlegt að eiga systkini með fötlun. Systkini leysa saman ýmis verkefni, ræða um stöðu sína innan fjölskyldunnar, skólans og meðal vina.

Fyrsta vorráðstefna Ráðgjafar- og greiningarstöðvar (RGR) verður haldin 12. og 13. maí næstkomandi. Aðstandendur ráðstefnunnar vonast til að samkomutakmarkanir muni heyra sögunni til á þessum tima og að fagfólk, sem sinnir fræðslu og umönnun barna með þroskaröskun og/eða fötlun, sem og aðstandendur muni hittast, fræðast og gleðjast saman á Hilton Nordica hótelinu í Reykjavík í vor. Yfirskrift ráðstefnunnar að þessu sinni er: Börn með fatlanir - Virkni og velferð.

Námskeið um myndrænt boðskiptakerfið verður haldið í febrúar 2022 á vegum Sigrúnar Kristjánsdóttur þroskaþjálfa. Námskeiðið er ætlað þeim sem hafa þekkingu á fyrstu þremur stigunum í PECS. Aðaláherslan á þessu námskeiði verður á mikilvæga þætti í PECS þjálfun.

Það eru laus pláss á námskeiðið Atferlisíhlutun fyrir börn með þroskafrávik sem haldið verður 7. febrúar. Farið er yfir helstu hugtök og aðferðir hagnýtrar atferlisgreiningar, kennslu nýrrar færni og hvernig unnt er að fyrirbyggja og minnka óæskilega hegðun í vinnu með börnum á leikskólaaldri.

Grein um Systkinasmiðju á vegum Greiningar- og ráðgjafarstöðvar ríkisins (nú Ráðgjafar- og greiningarstöðvar) birtist 1. tbl. Umhyggjublaðsins sem út kom út í lok síðasta árs. Hún er endurbirt hér á vef stöðvarinn með góðfúslegu leyfi Umhyggju og höfunda.

Ráðgjafar- og greiningarstöð (nýtt nafn fyrir Greiningar- og ráðgjafarstöð frá 1. janúar sl.) vekur athygli á að námskeiðið Kynheilbrigði verður haldið í fjarkennslu þann 10. janúar nk. og er þar af leiðandi hentugt fyrir fólk á landsbyggðinni og aðra sem ekki eiga heimangengt. Námskeiðið er ætlað starfsfólki sem sinnir kennslu, þjálfun og umönnun barna með þroskafrávik á grunn- og framhaldsskólastigi.

Greiningar- og ráðgjafarstöð ríkisins hefur fengið nýtt nafn en frá 1. janúar 2022 ber hún heitið Ráðgjafar- og greiningarstöð samkvæmt breytingum á lögum um stofnunina, sem þá tóku gildi. Þar með verður lögð áhersla á ráðgjafarhlutverk stofnunarinnar, hópar sem fá þjónustu frá henni eru skilgreindir betur og skyldur hennar gagnvart þeim verða skýrari.