Stöðugreining gefin út á samnorræna verkefninu Fyrstu 1000 dagar barnsins

Búið er að gefa út stöðugreiningu á verkefninu Fyrstu 1000 dagar barnsins á Norðurlöndum en árið 2019 var upphafsár verkefnisins sem er samnorrænt. Sjá hér. 
Félags- og barnamálaráðherra og heilbrigðisráðherra tóku frumkvæði að verkefninu, í tilefni formennskuárs Íslands í Norrænu ráðherranefndinni 2019. Verkefnið beinist að því að skoða hvernig unnið er að því á Norðurlöndunum að efla vellíðan og geðheilsu á fyrstu æviárum barna og hvaða aðferðum er beitt til að finna og bregðast snemma við áhættuþáttum í lífum þeirra og foreldra þeirra. Nú er fyrsti hluti verkefnisins, stöðugreining, gefin út þar sem kortlagt er hvernig löndin standa að því að bæta vellíðan barna.

Næsta skref í verkefninu er að yfirfara úrræðin sem nýtt eru innan Norðurlandanna á meðgöngu og fyrstu æviárunum til að efla tengsl foreldra og ungra barna, finna áhættuþætti o.fl. og skoða hversu vel þau eru studd rannsóknum, gagnreyndum aðferðum og vísindalegum grunni. Von er á þeirri matsskýrslu á næsta ári. Henni er ætlað nýtast við mótun stefnu og uppbyggingu þjónustu á þessu sviði.

Sjá meira á vef félagsmálaráðuneytisins.