Röskun á einhverfurófi, grunnnámskeið (0921)

Staðsetning: Menningarmiðstöðin í Gerðubergi. Sjá kort hér!

Dagsetning og tími: 30. september 2021 kl. 9:00 - 14:00. 6 kennslustundir.

Verð: Fagaðili: 20.300.-  Aðstandandi: 6000.-

Hverjum er námskeiðið ætlað?
Námskeiðið er ætlað aðstandendum og starfsfólki sem sinnir umönnun, þjálfun og kennslu barna með einhverfu, Aspergers heilkenni og aðrar raskanir á einhverfurófi. 

Hámarksfjöldi þátttakenda
Á þessu námskeiði er hámarksfjöldi 50.

Lýsing
Fjallað er um einhverfurófið, einkenni einhverfu og birtingarform þeirra, greiningu, álag á fjölskylduna og samstarf foreldra og fagfólks. Námskeiðið byggist aðallega á fyrirlestrum og umræðum, auk fræðslumyndbanda. Námskeiðið er hugsað sem fyrsta skrefið í fræðslu um einhverfu og grunnur að öðrum námskeiðum með afmarkaðari viðfangsefnum. Kennslu- og meðferðarleiðir verða til dæmis ekki kynntar á þessu námskeiði heldur á öðrum námskeiðum. 

Markmið
Efla skilning og þekkingu aðstandenda og fagfólks á þörfum barna á einhverfurófi og auka gæði þeirrar þjónustu sem þegar er veitt. 

Umsjón
Guðrún Þorsteinsdóttir, félagsráðgjafi
Svandís Ása Sigurjónsdóttir, sálfræðingur

Námskeiðsgjöld og greiðsluskilmálar
Skráning í námskeið er skuldbindandi og jafngildir samningi um greiðslu á námskeiðsgjaldi. Skráningu á námskeiðið Röskun á einhverfurófi, grunnnámskeið lýkur 21. september 2021. Greiðsluseðlar verða þá sendir í innheimtu og þurfa þátttakendur að vera búnir að greiða fyrir eindaga sem er u.þ.b. viku fyrir námskeið.

Forföll/afskráningu þarf að tilkynna skriflega a.m.k. hálfum mánuði fyrir námskeiðsdag eða áður en skráningu lýkur með því að senda tölvupóst á fraedsla@greining.is.

Greiningar- og ráðgjafarstöð ríkisins áskilur sér rétt til þess að innheimta skráningar- og umsýslugjald ef tilkynning berst eftir að skráningu á námskeið er lokið.

Nánari upplýsingar um greiðsluskilmála ásamt skráningar- og umsýslugjaldi má finna hér.