Náttúruleg kennsla (0223)

Staðsetning: Menningarmiðstöðin Gerðubergi í Breiðholti. 
Dagsetning og tími:  21. febrúar 2023, kl. 9:00-15.
Verð: 9.700 kr. Námskeiðið er ætlað fólki sem hefur tekið þátt í námskeiðinu Atferlisíhlutun fyrir börn með þroskafrávik

Hverjum er námskeiðið ætlað?
Námskeiðið er ætlað fagaðilum, starfsfólki á leikskólum sem sinna stuðningi við börn með þroskafrávik og aðstandendum. Námskeiðið nýtist öllum en fagaðilum er sérstaklega ráðlagt að sitja námskeiðið Atferlisíhlutun fyrir börn með þroskafrávik. 

Hámarksfjöldi þátttakenda
Á þessu námskeiði er hámarksfjöldi þátttakenda 30.

Lýsing:
Fjallað verður um hvað náttúruleg kennsla er og hvernig er hægt að nýta hana til að ýta undir þroska barnsins. Kynntar verða leiðir til að kenna börnum nýja færni í tjáningu og félagsfærni og draga úr óæskilegri hegðun í daglegum aðstæðum. Farið er yfir hvernig er hægt að nýta daglegar aðstæður til að skapa tækifæri til markvissrar kennslu. Þátttakendur fá í hendurnar verkfæri til að kenna barninu í daglegum aðstæðum. Jafnframt verður farið yfir hvernig er hægt að halda utan um kennsluna, skoða og skrá framfarir. 

Námskeiðið byggir á fyrirlestrum, myndböndum, verkefnum og verklegum æfingum.

Að loknu námskeiði eiga þátttakendur: 

• Að hafa dýpri þekkingu á náttúrulegri kennslu
• Að hafa aukna færni í notkun náttúrulegrar kennslu
• Að bera kennsl á tækifæri í daglegum aðstæðum til að ýta undir þroska, svo sem tjáningu og félagsfærni barna 

Umsjón, skipulagning og kennsla: 
Anna Marín Skúladóttir, atferlisfræðingur, Eva Ýr Heiðberg atferlisfræðingur, Herdís Ingibjörg A. Svansdóttir atferlisfræðingur, Katrín Sveina Björnsdóttir atferlisfræðingur, Lilja Árnadóttir atferlisfræðingur. 

Námskeiðsgjöld og greiðsluskilmálar 

Skráning í námskeið er skuldbindandi og jafngildir samningi um greiðslu á námskeiðsgjaldi. Skráningu á námskeiðið Náttúrleg kennsla lýkur 15. febrúar 2023.

Greiðsluseðlar verða þá sendir í innheimtu og þurfa þátttakendur að vera búnir að greiða fyrir eindaga sem er u.þ.b. viku fyrir námskeið.

Forföll/afskráningu þarf að tilkynna skriflega a.m.k. hálfum mánuði fyrir námskeiðsdag eða áður en skráningu lýkur með því að senda tölvupóst á fraedsla@greining.is. 

Ráðgjafar- og greiningarstöð áskilur sér rétt til þess að innheimta skráningar- og umsýslugjald ef tilkynning berst eftir að skráningu á námskeið er lokið.
Nánari upplýsingar um greiðsluskilmála ásamt skráningar- og umsýslugjaldi má finna hér.