Flest námskeiðin eru haldin í Menningarhúsi Gerðubergi, Gerðubergi 3-5, 111 Reykjavík, eða í Bókasafni Kópavogs, Hamraborg 6a (við hliðina á Salnum).
Skráning:
Skráningu á námskeið lýkur um það bil viku fyrir námskeiðsdag. Ráðgjafar- og greiningarstöð áskilur sér rétt til að fella niður eða fresta námskeiðum ef ekki næst nægur þátttakendafjöldi eða ef ófyrirsjáanlegar aðstæður skapast.
Tilkynna þarf forföll eða aðrar breytingar skriflega a.m.k. hálfum mánuði fyrir námskeiðsdag eða áður en skráningu lýkur með því að senda tölvupóst á fraedsla@greining.is.
Ráðgjafar- og greiningarstöð áskilur sér rétt til þess að innheimta skráningar- og umsýslugjald ef tilkynning berst eftir að skráningu á námskeið er lokið. Nánari upplýsingar má finna hér.
Verð og greiðslufyrirkomulag:
Þar sem gefin eru upp tvö verð gildir hærra verðið fyrir fagfólk og hið lægra fyrir foreldra og nána aðstandendur. Sama þátttökugjald gildir hvort sem þátttakandi er á námskeiðsstað eða situr námskeiðið í fjarfundi.
Greiðsluseðlar eru sendir í innheimtu um það bil viku fyrir námskeiðsdag. Gert er ráð fyrir að þátttakendur séu búnir að greiða fyrir þáttöku á eindaga sem er u.þ.b. viku fyrir námskeið, nema sú staða komi upp að útsending greiðsluseðla hafi dregist. Sjá nánar um greiðsluskilmála hér.
Mörg stéttar- og fagfélög veita félagsmönnum sínum námskeiðsstyrki og hvetjum við þátttakendur til að kanna það hjá sínu félagi.Til að kalla eftir endurgreiðslu frá stéttar- eða fagfélagi þarf að skila inn bæði greiðsluseðli námskeiðs sem er merktur Fjársýslu ríksins og kvittun (pdf) úr heimabanka fyrir greiðslunni. Greiðsluseðilinn má finna í rafrænum skjölum í heimabanka þátttakenda og á mínum síðum á island.is.
Námsgögn:
Námsgögn eru alla jafna send rafrænt til þátttakenda áður en námskeiðið byrjar. Í lokin eru þátttakendur beðnir að meta námskeiðið á vefsíðu )Survey Monkey) en þeir fá sendan tengil í tölvupósti sama dag og námskeiði lýkur. Niðurstöðurnar eru nýttar til að bæta og þróa námskeið Ráðgjafar- og greiningarstöðvar. Rafræn viðurkenningarskjöl til staðfestingar á þátttöku eru afhent þeim þáttakendum sem kalla eftir þeim í tölvupósti.
