Foreldrum nýgreindra barna er boðið upp á dagsnámskeið og er það haldið 3-4 sinnum á ári, oftast á laugardegi kl. 10.00-16.00.
Markmið með námskeiðinu er að veita foreldrum fræðslu og skapa vettvang fyrir þá til að hittast og ræða saman.
Námskeiðið samanstendur af fyrirlestrum og umræðum. Fjallað er m.a. um fötlun og orsakir hennar, álag á fjölskyldu, áfallakenningar og áhrif fötlunar á fjölskylduna. Þátttakendum er skipt í umræðuhópa með þátttöku leiðbeinanda og eru umræðurnar veigamikill þáttur í námskeiðinu.
Á hverju námskeiði eru eru þrír fyrirlesarar/leiðbeinendur og 18-20 þátttakendur. Námskeiðið kostar ekkert og er boðið upp á léttan hádegisverð.
Umsjónarmenn námskeiðsins eru þrír hverju sinni, en auk þeirra kemur foreldri fatlaðs barns og segir frá sinni reynslu. Umsjón með foreldranámskeiðunum er í höndum félagsráðgjafa á fagsviðunum. Haft er samband við þá sem boðið er hverju sinni.
Dagskrá
10.00-10.30 Kynning á námskeiði og þátttakendum.
10.30-11.00 Hvað er fötlun? Orsakir og flokkun, greiningarferli. (barnalæknir)
11.00-12:00 Umræðuhópar.
Hádegisverður
12.40-13.10 Áfallakenningar. (sálfræðingur)
13:10-13:40 Áhrif fötlunar á fjölskylduna. (félagsráðgjafi)
13.40-14.40 Umræðuhópar.
Kaffihlé
15:10-15:30 Frásögn foreldris.
15.30-16.00 Umræður og námskeiðslok.
Nánari upplýsingar veita félagsráðgjafar á fötlunarsviðunum
