Börn með þroskafrávik - nám, hegðun og félagsleg þátttaka í grunnskóla.

Staðsetning

Námskeiðið er haldið í Miðstöð símenntunar í Menntasetrinu við lækinn og um fjarfundabúnað til Háskólans á Akureyri. Þátttakendur á Alkureyri skrái sig hér. 

Mögulegt er að senda til fleiri staða, ef óskað er.

Námskeið í fjarfundi

Óskir þú eftir að sækja námskeið um fjarfundabúnað er nauðsynlegt að tilgreina tengilið á hverju svæði. Best er að hafa samband við næstu fræðslu- eða símenntunarmiðstöð og kanna möguleika á að sækja námskeið í fjarfundi þar og fá upplýsingar um tengilið. Hafa ber í huga að mikilvægt er að fyrirvari sé nægur og aldrei minni en 10 dagar.

Vinsamlegast setjið í athugasemdir í skráningarformi námskeiðsins, ósk um að sitja námskeiðið í fjarfundi, með upplýsingum um tengilið, netfang tengiliðar og staðsetningu. Tengiliður fær senda IP tölu nokkrum dögun fyrir námskeið og er gert ráð fyrir að hann hringi inn um 15 mínútum áður en það hefst.

Nauðsynlegt er að allir þátttakendur skrái sig.

Hverjum er námskeiðið ætlað?

Fagfólki svo sem kennurum, sérkennurum, stuðningsfulltrúum, sérkennsluráðgjöfum, sálfræðingum, þroskaþjálfum og öðrum sem koma að kennslu og þjálfun barna og unglinga með þroskafrávik.

Markmið

Efla skilning og þekkingu fagfólks á þörfum barna og unglinga með þroskafrávik í grunnskólanum þar sem áhersla verður lögð á þroskahömlun. Markmiðið er að veita fræðslu sem nýtist í daglegu starfi.
Námskeiðið byggist upp á fyrirlestrum og umræðum.

Umsjón

Sólveig Norðfjörð sálfræðingur og Margrét Valdimarsdóttir barna- og unglingageðlæknir

Dagskrá

09:00 -  09:05       Kynning

09:05 -  10:00       Þroskahömlun
                                Nám og stuðningur í skóla.  
                               Sólveig Norðfjörð, sálfræðingur

Kaffi

10:20 – 11:00       Færni og þátttaka í skóla  
                                Dagleg viðfangsefni og aðlögun umhverfis
                                Þóra Leósdóttir, iðjuþjálfi

11:00 - 11:40       Samskipti við jafnaldra
                               Þátttaka, vinátta og einelti 
                               Sólveig Norðfjörð, sálfræðingur

11:40 – 12:00      Umræður

Hádegishlé

13:00 -13.30        Geðræn einkenni
                               Kvíði, þunglyndi og ofvirkni hjá börnum með þroskahömlun.
                                Margrét Valdimarsdóttir, barna- og unglingageðlæknir

13:30 - 14:10       Hegðunarerfiðleikar barna með þroskafrávik  
                               Fyrirbyggjandi aðgerðir og meðferð við hegðunarvanda barna með þroskafrávik.
                              Atli F. Magnússon, atferlisfræðingur

Kaffi

14:40 - 15:00       Fjölskylda og samfélag 
                               Áhrif fötlunar á fjölskylduna. Samskipti foreldra og skóla.
                               Elín Konráðsdóttir og Helga Þorleifsdóttir, félagsráðgjafar

 15:00 – 15:30      Við erum ekki öll eins
                               Hrannar Halldórsson Bachman, nemandi í Hagaskóla

 15:30 - 16:00       Umræður og námskeiðslok