Ráðagóðir kennarar

Hverjum er námskeiðið ætlað?

Námskeiðið er ætlað grunnskólakennurum og öðrum starfsmönnum grunnskóla sem eru með umsjón barna með röskun á einhverfurófi.

Markmið

Efla sjálfstraust kennara og annarra starfsmanna skóla til að takast á við hegðun nemenda.

Efni og vinnulag

Börn með þroskaraskanir eru líklegri en önnur börn til að sýna erfiða hegðun. Það gerir kennslu þeirra oft á tíðum krefjandi. Kennarar eyða miklum tíma í að stjórna hegðun og það tekur áherslu frá náminu. Hvernig er hægt að fyrirbyggja það? Á námskeiðinu verða kenndar hagnýtar leiðir til árangurs. Æskilegt er að þeir kennarar eða starfsmenn grunnskóla sem eru að nota umbunarkerfi (stjörnukerfi, hvatakerfi) komi með þau á námskeiðið. Námskeiðið byggist á hugmyndafræði hagnýtrar atferlisgreiningar.

Drög að dagskrá

Hegðun barna á einhverfurófi
Æskileg eða óæskileg hegðun?
Hvernig aukum við jákvæðni nemenda?
Umbunarkerfi í skólum – kostir og gallar
Einstaklingsmiðuð umbunarkerfi eða umbunarkerfi fyrir bekkinn?
Útfærslur á umbunarkerfum í grunnskólanum
Umræður

Umsjón

Sigurrós Jóhannsdóttir, sálfræðingur