30.4.2009

Hvíld

Þar sem athugun er krefjandi fyrir börnin þarf að huga vel að því að börnin fái næga hvíld í athugunarvikunni og borði vel áður en þau koma.

Hvað þarf að taka með?

Það getur verið gott að hafa eitthvað með til hressingar á milli tíma. Æskilegt er að koma með stuttbuxur í tíma til sjúkraþjálfara.

Lyfjagjöf

Foreldrar eru beðnir að breyta ekki lyfjanotkun barnsins fyrir komu á Greiningarstöð, þar með talið lyfjum vegna ofvirkni og hegðunarraskana.

Hjálpartæki

Þegar barn kemur til athugunar er mikilvægt að taka þau hjálpartæki með sem geta skipt máli við athugun, svo sem:

• gleraugu og heyrnartæki,
• innlegg, spelkur og  skó,
• séraðlagaðan vinnustól ef við á,
• ef barnið notar óhefðbundnar tjáskiptaleiðir þarf að koma með þau gögn sem því fylgja. 

Ef þið komist ekki

Ef fólk af einhverjum ástæðum kemst ekki í þá tíma sem ákveðnir hafa verið er mikilvægt að láta vita eins fljótt og hægt er.

Ef foreldrar hafa áhyggjur af einhverju eða vandamál koma upp, vinsamlega hafið samband.