Skil á niðurstöðum til fjölskyldu og þjónustuaðila

Greiningarferlinu lýkur á því að foreldrar og sérfræðingar ræða niðurstöður athugana, þarfir barnsins og fjölskyldunnar. Á þeim grunni er gerð  áætlun um þjónustu næstu misserin.

Foreldrar og þjónustuaðilar fá síðan sendar skýrslur um niðurstöður athugunarinnar. 

Í framhaldinu er haldinn fundur með þjónustuaðilum. Á þann fund eru boðaðir foreldrar barnsins, leikskóla/grunnskólafólk, þjálfarar barnsins, ráðgjafar frá sveitarfélagi og aðrir þjónustuaðilar eftir því sem við á. Þessir aðilar eru alla jafna þeir sem skipa þjónustuteymi barnsins.

Á fundinum er farið yfir niðurstöður athugunar, fundargestir skiptast á upplýsingum um barnið og ákvarðanir teknar um næstu skref í þjónustu við fjölskylduna.